ಪ್ರಧಾನಿಯ ಮೌನ ಸರಿಯೆ ?!

ಸಂಪಾದಕೀಯ ಬಿಕ್ಕಟ್ಟಿನ ಈ ಸಂದರ್ಭದಲ್ಲಿ ಪ್ರಧಾನಿಯ ಮೌನ ಸರಿಯೇ? ಕೋವಿಡ್–೧೯ ಸಾಂಕ್ರಾಮಿಕವು ದೇಶದಲ್ಲಿ ನಗರ, ಪಟ್ಟಣಗಳೆನ್ನದೆ ತನ್ನ ವಿಕಾರ ರೂಪವನ್ನು ಪ್ರದರ್ಶಿಸುತ್ತ…

ಬೇವಿನ ಬೀಜವ ಬಿತ್ತಿ, ಮಾವಿನ ಫಲ ಕೇಳುವರೆ ?

ಬೇವಿನ ಬೀಜವ ಬಿತ್ತಿ, ಮಾವಿನ ಫಲ ಕೇಳುವರೆ ? ಬೇವಿನ ಬೀಜವ ಬಿತ್ತಿ, ಬೆಲ್ಲದ ಕಟ್ಟಿಯ ಕಟ್ಟಿ, ಆಕಳ ಹಾಲನೆರೆದು, ಜೇನುತುಪ್ಪವ…

ಇಂದಿನ ಯಾವ ಚಟುವಟಿಕೆ ಉದ್ಯಮವಾಗಿಲ್ಲ ಹೇಳಿ ??

ಇಂದಿನ ಯಾವ ಚಟುವಟಿಕೆಗಳು ಉದ್ಯಮವಾಗಿಲ್ಲ ? ಹೇಳಿ, ದಯವಿಟ್ಟು ಹೇಳಿ ?? ನಾವಿಂದು ಮಾಡುವ ಎಲ್ಲಾ ಚಟುವಟಿಕೆಗಳು ದೊಡ್ಡವೋ ಸಣ್ಣವೋ ಉದ್ದಮಗಳಾಗಿಯೆ…

ಕಾಣದ ಜೀವಿ, ಕರೋನಾ ಕುಣಿತ ನಿಲ್ಲುವುದು ಯಾವಾಗ ?

ಕಂಡುದನೆಲ್ಲ ಕೊಂಡು ಅಟ್ಟಹಾಸದಿ ಮೆರೆವೆ ಜನಕೆ ಕಾಣದ ಜೀವಿಯು ಬಂದು ತಲ್ಲಣಿಸುವುದು ಜಗವು ನೋಡಾ ಗುಹೇಶ್ವರ. ೦ ಅಲ್ಲಮ ಪ್ರಭು ಈ…

ಮಸಣದಲ್ಲಿಯ ಗಿಡ ಹಾಗೂ ಕರೋನಾ ಪಾಸಿಟಿವ್

ಮಣದಲ್ಲಿಯ ಗಿಡ ಹಾಗೂ ಕರೋನಾ ಪಾಸಿಟಿವ್ ! ಮಸಣದಲ್ಲಿ ಗಿಡವನೆಡು ಬೆಳೆದು ಹಣ್ಣು ನೀಡುವುದು ಎಲ್ಲ ಮಣ್ಣಿನಲ್ಲಿ ಹೊನ್ನು ಇದೆ ತಿಳಿದುಕೋ…

ಕರೋನಾ ಜಡ್ಡಿಗೆ ಸತ್ತವರಿಗಿಂತ,ಭಯಕ್ಕೆ ಸತ್ತವರೆ ಹೆಚ್ಚು !

ಕರೋನಾ ಜಡ್ಡಿಗೆ ಸತ್ತವರಿಗಿಂತ , ಭಯಕ್ಕೆ ಸತ್ತವರೆ ಹೆಚ್ಚು ! ಇಡೀ ದೇಶದ ತುಂಬೆಲ್ಲ ಈಗ ಕೊರೋನಾ ರೋಗದ್ದೇ ಚಿಂತೆ. ಚಿಂತೆ…

ವಿಚಾರದ ತವನಿಧಿ ಜೇಡರ ದಾಸಿಮಯ್ಯ

*ತವನಿಧಿ ಜೇಡರ ದಾಸಿಮಯ್ಯ* ಹೆಣ್ಣು ಮಾಯೆ,  ಆಕೆಯು ಜೊತೆಯಲ್ಲಿದ್ದರೆ ನಾವು ಜೀವನದಲ್ಲಿ ಏನೂ ಸಾಧಿಸಲಾಗುವಿದಿಲ್ಲ.  ಹೆಣ್ಣು ಕನಿಷ್ಠಳು, ಗಂಡು ಶ್ರೇಷ್ಠ ಎಂಬ…

ಬದುಕನ್ನು ಸಾರ್ಥಕ ಪಡಿಸಿಕೊಂಡ ಮೈಲಾರಪ್ಪ ಸಗರ

ಬದುಕನ್ನು ಸಾರ್ಥಕ ಪಡಿಸಿಕೊಂಡ ಮೈಲಾರಪ್ಪ ಸಗರ

ಕಲ್ಯಾಣ ಕರ್ನಾಟಕದ ಹೆಮ್ಮೆಯ ಜಾನಪದ ಪ್ರತಿಭೆ ಮೈಲಾರಪ್ಪ ಸಗರ ಇನ್ನಿಲ್ಲ ಎಂದು ನಂಬಲು ಆಗುತ್ತಿಲ್ಲ. ಯಾದಗಿರಿ ಜಿಲ್ಲೆಯ ಶಹಾಪುರ ತಾಲೂಕಿನ ಮೈಲಾರಪ್ಪ ಹುಟ್ಟು ಕಲಾವಿದ. ಶಹಾಪುರ ತಾಲೂಕಿನ ಸಗರ ಗ್ರಾಮದ ಮೈಲಾರಪ್ಪ ಇಡೀ ನಾಡಿನ ಉದ್ದಗಲಕ್ಕೂ ರೈತ ಗೀತೆಗಳ ಮೂಲಕ ಪರಿಚಿತರು.
ಹಳ್ಳಿಗಾಡಿನ ಪ್ರತಿಭೆಗಳಿಗೆ ಬೆನ್ನೆಲುಬಾಗಿ ಯಾರೂ ಇರದೆ ಇದ್ದರೆ ಇದ್ದಲ್ಲಿಯೆ ನಶಿಸಿ ಹೋಗುವುದೆ ಹೆಚ್ಚು. ಆದರೆ ಈ ಮೈಲಾರಪ್ಪನ ಪ್ರತಿಭೆಯನ್ನು ಗುರುತಿಸಿ ಬೆಳಕಿಗೆ ತಂದವರು ತಂದೆ ಲಿಂಗಣ್ಣ ಸತ್ಯಂಪೇಟೆ. ಬಹಳಷ್ಟು ವರ್ಷಗಳ ಹಳೆಯ ಮಾತು. ಮೈಲಾರಪ್ಪ ತನ್ನ ಸ್ವಂತ ಊರಾದ ಸಗರ ಗ್ರಾಮದಲ್ಲಿ ಪೇಟಿ ಮಾಸ್ತರ ಎಂದು ಕರೆಯಿಸಿಕೊಂಡು ತಮ್ಮ ಪಾಡಿಗೆ ತಾವು ಇದ್ದವರು. ಮನೆಯ ತುಂಬಾ ಮಕ್ಕಳು , ಕಿತ್ತು ತಿನ್ನುವ ಬಡತನ ಏನೂ ಮಾಡಲಾಗದ ಅಸಹಾಯಕತೆಯ ನಡುವೆ ಬಸವಳಿದು ಬದುಕುತ್ತಿದ್ದರು.

ಒಂದು ಸಲ ಈ ಮೈಲಾರಪ್ಪ ನನ್ನ ತಂದೆ ಲಿಂಗಣ್ಣ ಸತ್ಯಂಪೇಟೆಯವರ ಕಣ್ಣಿಗೆ ಬಿದ್ದದ್ದೆ ತಡ, ಮೈಲಾರಪ್ಪನಲ್ಲಿರುವ ಹಾಡುವ ಪ್ರತಿಭೆಯನ್ನು ಗುರುತಿಸಿ ಬಿಟ್ಟರು. ಅದೇ ಸಂದರ್ಭದಲ್ಲಿ ಕರ್ನಾಟಕದ ತುಂಬೆಲ್ಲ ಗೋಕಾಕ ವರದಿ ಜಾರಿಗೆ ಬರಲಿ ಎಂಬ ಚಳುವಳಿಯು ನಾಡಿನ ತುಂಬೆಲ್ಲ ಹಬ್ಬಿತ್ತು. ಡಾ.ರಾಜ್, ಲೋಕೇಶ್, ಅಶೋಕ, ಶಂಕರನಾಗ ಮತ್ತಿತರರು ಡಾ. ಪಾಟೀಲ ಪುಟ್ಟಪ್ಪನವರ ನೇತೃತ್ವದಲ್ಲಿ ಜಾಥಾ ಹೊರಟಿದ್ದರು.

ಶಹಾಪುರ ನಗರಕ್ಕೂ ಡಾ. ರಾಜ್ ಅವರ ಟೀಮ್ ಬರುವುದಿತ್ತು. ಡಾ.ಪಾಟೀಲ ಪುಟ್ಟಪ್ಪನವರು ಅಪ್ಪನ ಆತ್ಮೀಯರು. ಸಹಜವಾಗಿ ಶಹಾಪುರ ನಗರದಲ್ಲಿ ಕಾರ್ಯಕ್ರಮ ಏರ್ಪಡಿಸುವ ಜವಾಬ್ದಾರಿಯನ್ನು ವಹಿಸಿದ್ದರು. ಇದೆ ಸಂದರ್ಭವನ್ನು ಉಪಯೋಗಿಸಿಕೊಂಡು ಡಾ. ರಾಜ್ ರಾಜಕೀಯಕ್ಕೆ ಬರಲಿ ಎಂದು ಹಲವರು ಒತ್ತಡ ಹೇರುತ್ತಿದ್ದರು.ಆದರೆ ನನ್ನ ತಂದೆ ಮಾತ್ರ ಸಾಂಸ್ಕøತಿಕ ಲೋಕದ ನಾಯಕ ಡಾ.ರಾಜ್ ರಾಜಕೀಯಕ್ಕೆ ಬಂದರೆ ತನ್ನ ಹಿಂದಿರುವ ಚಾರ್ಮ ಕಳೆದುಕೊಳ್ಳುತ್ತಾರೆ ಎಂಬ ಸಣ್ಣ ಆತಂಕ ಅವರಲ್ಲಿ ಮನೆ ಮಾಡಿತ್ತು. ಆದ್ದರಿಂದ ಮೈಲಾರಪ್ಪ ಸಗರ ಅವರಿಗೆ ಡಾ.ರಾಜ್ ನೀನೆಂದು ರಾಜಕೀಯಕ್ಕೆ ಬರಬೇಡ ಎಂಬ ಸಂದೇಶದ ಹಾಡನ್ನು ಬರೆದುಕೊಟ್ಟು, ಸಾರ್ವಜನಿಕ ವೇದಿಕೆಯಲ್ಲಿ ಅವಕಾಶ ಮಾಡಿಕೊಟ್ಟಿದ್ದರು.

ಮುಗ್ಧ ಮನಸ್ಸಿನ ಡಾ. ರಾಜ್ ಅವರಿಗೆ ಮೈಲಾರಪ್ಪ ಹಾಡಿದ ಗೀತೆ ಹಾಗೂ ಆತನ ಕಂಠದ ಸಿರಿ ಕಂಡು ದಂಗಾಗಿ ಹೋದರು. ಸ್ವತಃ ಡಾ. ರಾಜ್ ತನ್ನನ್ನು ಬೆಂಗಳೂರಿಗೆ ಬಂದು ಕಾಣುವಂತೆ ವಿನಂತಿಸಿದರು. ಅಂದಂತೆ ಮೈಲಾರಪ್ಪನೇನೋ ಬೆಂಗಳೂರಿಗೆ ಹೋದರು. ಆದರೆ ಡಾ. ರಾಜ್ ಸುತ್ತ ಮುತ್ತ ಆಗಲೆ ಒಂದು ರೀತಿಯ ಭದ್ರಕೋಟೆ ನಿರ್ಮಾಣವಾಗಿತ್ತು. ಮೈಲಾರಪ್ಪನಂಥ ಗ್ರಾಮೀಣ ಪ್ರತಿಭೆಯ ಧ್ವನಿಯ ಮುಂದೆ ಡಾ. ರಾಜ್ ಅವರ ದ್ವನಿ ಏನೂ ಅಲ್ಲ ಎಂಬ ಅರಿವು ಅವರಿಗೆ ಆಗುತ್ತಲೆ ಮೈಲಾರಪ್ಪನನ್ನು ಅಲ್ಲಿ ನಿರ್ಲಕ್ಷಿಸಿದರು. ಬೆಂಗಳೂರಿನಲ್ಲಿ ಸ್ವಲ್ಪ ದಿನಗಳ ಕಾಲ ಕನ್ನಡ ಸಂಘಟನೆಗಳ ಕಾರ್ಯಕ್ರಮಗಳಿಗೆ ಮೈಲಾರಪ್ಪನನ್ನು ಬಳಸಿಕೊಂಡರು.

ಒಂದು ದಿನ ಯಾವುದೋ ಕೆಲಸದ ನಿಮಿತ್ತ ಅಪ್ಪ ಲಿಂಗಣ್ಣ ಸತ್ಯಂಪೇಟೆ ಬೆಂಗಳೂರಿಗೆ ಹೋಗಿ ನೋಡಿದರೆ ಮೈಲಾರಪ್ಪ ಅಲ್ಲಿ ಒಂಟಿಯಾಗಿ, ಮ್ಲಾನ ವದನನಾಗಿದ್ದ. ಆತನಲ್ಲಿ ಮತ್ತೆ ಉತ್ಸಾಹ ತುಂಬಿ ಇಲ್ಲಿ ಇರೋದು ಬೇಡ ನಡಿ. ನಮ್ಮ ಊರಿಗೆ ಹೋಗೋಣ. ಕರ್ನಾಟಕ ರಾಜ್ಯ ರೈತ ಸಂಘವನ್ನು ಇಡೀ ನಾಡಿನ ತುಂಬಾ ಕಟ್ಟುತ್ತಿದ್ದೇವೆ. ನೀನೂ ನಮ್ಮೊಂದಿಗೆ ಇರುವಂತಿ, ಎಂದು ಕರೆತಂದರು. ಕಾರ್ಯಕ್ರಮಕ್ಕೆ ಹೋದಲ್ಲೆಲ್ಲ ಗೀತೆಗಳನ್ನು ಬರೆದುಕೊಟ್ಟರು. ಮೈಲಾರಪ್ಪ ಅವನ್ನು ಹಾಡಿದ. ಕೋಪ ಇಲ್ಲೇನೋ, ರೈತಣ್ಣ ಕೋಪ ಇಲ್ಲೇನೋ ? , ಒಕ್ಕಲತಿ, ಮುಂತಾದ ಗೀತೆಗಳು ಜನ ಸಾಮಾನ್ಯರನ್ನು ಬಡಿದೆಬ್ಬಿಸಿದವು.

ಮೈಲಾರಪ್ಪ ಆಗ ಪ್ರೊ. ನಂಜುಂಡಸ್ವಾಮಿ, ಎನ್.ಡಿ.ಸುಂದರೇಶ್, ಹೆಚ್.ಎಸ್. ರುದ್ರಪ್ಪ ಮೊದಲಾದವರ ಸಖ್ಯ ದೊರಕಿತು. ಕರುನಾಡಿನ ತುಂಬೆಲ್ಲ ಹೋರಾಟದ ಕಿಚ್ಚು ಹಚ್ಚುವಲ್ಲಿ ಮೈಲಾರಪ್ಪ ಪ್ರಮುಖ ಪಾತ್ರ ವಹಿಸಿದ. ಭೀಮೆ ಹಾಗೂ ಕೃಷ್ಣಾ ನದಿಯಲ್ಲಿ ಸಾಕಷ್ಟು ನೀರು ಹರಿಯುತ್ತಿರುವಂತೆ ಕಾಲವೂ ಸರಿದು ಹೋಯಿತು. ಪ್ರೊ. ಹಾಗೂ ಅಪ್ಪನ ನಡುವೆ ವೈಚಾರಿಕ ಭಿನ್ನತೆ ತಲೆದೋರಿತು. ಆಗ ಮೈಲಾರಪ್ಪ ಅಪ್ಪನ ಸಖ್ಯ ತೊರೆದ. ನಮ್ಮ ಮನೆಯ ಎಲ್ಲರೊಂದಿಗೆ ಬೆರೆತು ಮಾತಾಡುತ್ತಿದ್ದ. ಊಟ ಮಾಡುತ್ತಿದ್ದ. ಮನೆಯಲ್ಲಿಯೇ ಠೀಕಾಣಿ ಹೂಡುತ್ತಿದ್ದ ಮೈಲಾರಪ್ಪ ಅಪ್ಪನ ಬಗೆಗೆ ಕೊಂಕು ಮಾತುಗಳನ್ನು ಆಡಿದ. ಆದರೆ ಅಪ್ಪ ಆ ಬಗ್ಗೆ ತಲೆ ಕೆಡಿಸಿಕೊಳ್ಳಲಿಲ್ಲ. ನಾವೆಲ್ಲ ಚಿಕ್ಕವರಿರುವಾಗ ಆತನ ತಾಟಿನಲ್ಲೇ ಕುಳಿತು ಊಟ ಮಾಡಿದ್ದರೂ ಲಿಂಗಣ್ಣ ಮೇಷ್ಟ್ರ ಮನೆಯಲ್ಲಿ ಜಾತಿಯತೆ ಇದೆ ಎಂದು ಹೇಳಿ ಸಣ್ಣವನಾದ. ಕೆಲವು ಜನ ಕುಹಕಿಗಳು ಇದನ್ನು ಉಪಯೋಗಿಸಿಕೊಂಡರು.

ಆದರೆ ಮೈಲಾರಪ್ಪನಿಗೆ ಕೊನೆಗೂ ಇದೆಲ್ಲ ಅರ್ಥವಾಯಿತು. ಮತ್ತೆ ನಮ್ಮ ಮನೆಗೆ ಹಿಂತುರುಗಿ ಬಂದ. ಹಿಂದಿನಂತೆ ಅದೇ ಸ್ವಾಗತ ನಮ್ಮ ಕುಟುಂಬದಿಂದ ದೊರಕಿತು. ಮೈಲಾರಪ್ಪ ನಮ್ಮ ಮನೆಯೊಳಗಿನ ಒಬ್ಬ ಸದಸ್ಯ. ಆತನ ಅಗಲುವಿಕೆಗೆ ನಮ್ಮ ಕುಟುಂಬಕ್ಕೆ ಸಾಕಷ್ಟು ನೋವನ್ನು ಉಂಟು ಮಾಡಿದೆ. ಅಪ್ಪ ಇಲ್ಲದ ತರುವಾಯ ನಾವೆಲ್ಲ ಸಹೋದರರು ನಡೆಸಿಕೊಂಡು ಹೋಗುವ ಬಸವ ಬೆಳಕು ಸಭೆಗೆ ಬಂದಿದ್ದಾನೆ. ಖುಷಿ ಪಟ್ಟಿದ್ದಾರೆ. ಶರಣರ ವಿಚಾರಧಾರೆಯನ್ನು ನಾವು ಮುಂದುವರೆಸಿಕೊಂಡು ಹೋದ ಕುರಿತು ಮೈಲಾರಪ್ಪನಿಗೆ ಹೆಮ್ಮೆ ಇತ್ತು.

ಅಂತು ತನ್ನ ಬದುಕನ್ನು ಸಾರ್ಥಕ ಪಡಿಸಿಕೊಂಡ ಮೈಲಾರಪ್ಪ ಇಂದು ನಮ್ಮ ನಡುವೆ ಇಲ್ಲ ಎಂಬುದನ್ನು ಅರಗಿಸಿಕೊಳ್ಳೂವುದು ಸ್ವಲ್ಪ ಕಷ್ಟವೇ ಸರಿ.

0 ವಿಶ್ವಾರಾಧ್ಯ ಸತ್ಯಂಪೇಟೆ

ಲಿಂಗಾಯತ ಧರ್ಮದ ನಕ್ಷತ್ರ ಮಾತೆ ಮಹಾದೇವಿ

ಲಿಂಗಾಯತ ಧರ್ಮದಿಗಂತದ ದಿವ್ಯ ನಕ್ಷತ್ರ ಪೂಜ್ಯ ಶ್ರೀ ಮಹಾಜಗದ್ಗುರು ಮಾತೆ ಮಹಾದೇವಿ ತಾಯಿಯವರು -Sachidanand Chatnalli ಕೆಲವು ವರ್ಷಗಳ ಹಿಂದೆ ಬಸವ…

ಶಿವನಾಗಿ ಶಿವನ ಪೂಜಿಸು

ಶಿವನಾಗಿ ಶಿವನ ಪೂಜಿಸು ಶಿವ ಅಂದ್ರೆ ಯಾರು ವ್ಯಕ್ತಿಯೋ, ಶಕ್ತಿಯೋ, ತತ್ವವೋ…. ಶಿವರಾತ್ರಿ ಎಂದರೆ ಎನು ಇದರ ಉಲ್ಲೇಖ ವಚನಗಳಲ್ಲೂ ಇದೆ…

error: Content is protected !!