ರಾಮ ಮಂದಿರಕ್ಕೆ ಎತ್ತಿದ ದುಡ್ಡಿನ ಲೆಕ್ಕ ಕೊಡಿ : ಟ್ರೋಲ್

ರಾಮ ಮಂದಿರ ನಿರ್ಮಾಣಕ್ಕಾಗಿ ರಾಮನ ಹೆಸರಿನಲ್ಲಿ ಪುಂಡು ಪೋಕರಿಗಳು ಬೀದಿಗೆ ಇಳಿದು ಹೆದರಿಸುತ್ತಿದ್ದಾರೆ ಎಂದು ಮಾಜಿ ಮುಖ್ಯ ಮಂತ್ರಿ ಎಚ್.ಡಿ. ಕುಮಾರ ಸ್ವಾಮಿ ತಮ್ಮ ಅಸಹನೆಯನ್ನು ವ್ಯಕ್ತ ಪಡಿಸಿದರು.

ಈ ಹಿಂದೆ ಕರ್ನಾಟಕದ ಮತ್ತೊಬ್ಬ ಮಾಜಿ‌ ಮುಖ್ಯ ಮಂತ್ರಿ ಸಿದ್ಧರಾಮಯ್ಯ ವಿವಾದಿತ ಸ್ಥಳದಲ್ಲಿ ರಾಮ ಮಂದಿರ ನಿರ್ಮಾಣವಾಗುತ್ತಿರುವುದರಿಂದ ನಾನು ರಾಮ ಮಂದಿರ ನಿರ್ಮಾಣಕ್ಕೆ ದೇಣಿಗೆ ನೀಡಲಾರೆ. ಅಲ್ಲದೆ ಈ ಹಿಂದೆಯೇ ರಾಮ ಮಂದಿರಕ್ಕಾಗಿ ಹಣ ಇಟ್ಟಿಗಡ ಎರಡನ್ನೂ ಒಟ್ಟೊಟ್ಟಿಗೆ ಸಂಗ್ರಹಿಸಿದ್ದರು. ಆ ಹಣ ಎಲ್ಲಿದೆ ? ಲೆಕ್ಕ ಪತ್ರ ಯಾರ ಬಳಿ ಇದೆ ? ಎಂದು ಮಾಧ್ಯಮಗಳ ಎದುರು ಪ್ರಶ್ನಿಸಿದ್ದರು.

ಮಾಜಿ‌ ಮುಖ್ಯ ಮಂತ್ರಿಗಳಿಬ್ಬರ ಹೇಳಿಕೆಯಿಂದ ಪ್ರೇರಿತರಾದ ಸಾಮಾಜಿಕ ಜಾಲ ತಾಣದ ನೆಟ್ಟಿಗರು ನಿನ್ನೆ ದಿನ ಸಂಪೂರ್ಣ ರಾಮ ಮಂದಿರದ ನಿರ್ಮಾಣಕ್ಕೆ ಸಂಗ್ರಹಿಸಿದ ಹಣಕ್ಕೆ ಲೆಕ್ಕ ಕೊಡಿ ಎಂಬ ಟ್ರೂಲ್ ಹೆಚ್ಚಿದ್ದು ಕಂಡು ಬಂತು.